跌低咗


個人分享
Tagged With: , , , , , , , , ,

「人生」

好多老人家都講,唔跌唔大,其實真係有啲道理。因為人一生都總有跌倒嘅時候,而最重要嘅係要知道點樣企返起身。其實好多人一生為咗某啲目標而不斷努力,但係有時真係運氣問題,就算付出咗好多都未必得到應有嘅回報。但係有時係唔係個結果最重要?其實有時係個過程,就好似打牌咁,唔係贏咁簡單,而係做牌嘅過程。所以跌低咗唔緊要,因為係一個過程!

「父母」

好多時做父母都好擔心小朋友會跌親同整親,咁當然啦,自己仔女喎!但係有時亦知道小朋友唔跌唔大,因為有啲嘢真係要跌下先至會識!當然講係容易做就難,因為每個父母都係口硬心軟。不過人生總會跌倒,所以就算你今日無試過失敗,其實總有一日都會有機會。所以要學識面對問題,唔好怕失敗,喺邊度跌低,就係邊度起返身!

「創業」

創業有時真係好累,因為真係不斷跌低,不斷起身,有時真係搞到周身傷。但係創業就係咁,唔跌過真係唔好話自己創業。事關唔係個個人都可以一帆風順,創業嘅過程一定會遇到挫折。所以有時跌低咗唔緊要,就算失敗都唔緊要,因為只要起返身就可以再嚟過。就算到最後真係一無所有,最緊要係心態同鬥志。所以跌係一個過程而唔係終點!

(Visited 185 times, 1 visits today)

Also published on Medium.