出現了

「心理」

香港人好多都係羊群心理,就好似搵餐廳食飯,只要人多就會有好多人排隊。因為通常無人排嘅都應該唔好食!當然就算間餐廳有好多人排,其實都未必一定好食。而因為香港好多年前出現咗「開飯喇」嚟個網上平台,大家亦慣咗用嚟個平台去發掘一啲新同好味嘅餐廳。慢慢嚟個平台就變成香港大部份香港人嘅搵地方食飯嘅平台。

「食飯」

相信好多人手機入面一定會有「開飯喇」嚟個手機程式,因為作為一個香港人早午晚三餐真係好多時要靠佢。當然好多人除咗搵餐廳嘅資料之外就係睇評分同食評,但係嚟個平台嘅公信亦慢慢無開始嘅時候咁有說服力。當然因為香港嘅人比較死板,用開就算唔好用都係會繼續用,所以先至導致一權獨大。不過最近終於有個新平台去挑戰嚟個權威,真係認真要支持下!

「希望」

老實講越用「開飯喇」嚟個平台,就覺得越難用。再加上好多負面嘅新聞,令到依家越嚟越少用佢,事關真係好難用同啲評分真係可以好假。所以等咗好耐終於有位朋友決定去開發一個新嘅平台去改變一台獨大嘅情況。當然個平台係啱啱開始,你唔可以用「開飯喇」做一個對比。所以如果你真係想支持嘅就當然叫身邊嘅朋友一齊用,同分享多啲食評。希望嚟個平台可以改變下現今嘅情況啦!

大家不妨下載嚟個手機程式試下!
Foodbulious


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]