最好的


個人分享
Tagged With: , , , , , , , , ,

「父母」

每個父母都希望將最好嘅嘢俾下一代,而今時今日嘅社會進步咗,生活環境好咗,其實而家嘅小朋友真係好幸福。但係乜嘢係最好?有啲人話俾最好嘅生活佢,有啲人話俾最好嘅教育佢,總之所有嘢都要係最好。其實我哋覺得最好嘅,係唔係真係對個小朋友最好?當然為人父母,想樣樣嘢都係最好唔係錯,只不過有時候弄巧反拙啫。

「自己」

每個人都想過一啲所謂最好嘅生活,但係乜嘢係最好?當然每個人嘅定義都唔一樣。有時都會係度問自己,乜嘢係最好?咁依家係唔係過緊最好嘅生活?老實講我都唔知,因為每日都發生緊唔同嘅事。所以其實有時唔係話好唔好嘅問題,而係人生實在有太多意想不到嘅事情會發生,嚟一秒可能係最好嘅,但係下一秒就可能已經唔係,所以嚟個世界邊度有最好嚟樣嘢呢?

「最好」

其實好多時都以為做緊嘅嘢係最好,但係偏偏個結果又唔係。真係做又三十六唔做又三十六!所以如果自己覺得係最好嘅咁就得,因為每個人對好嚟個字嘅定義都唔同。你覺得好嘅人哋未必覺得好,個個人嘅要求唔同,所以要學識尊重!因為無可能每樣嘢都可以取悅所有人,不過最起碼可以取悅自己。而通常最好嘅都係近在咫尺,只係你有無察覺。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]