舞台劇

「舞台」

唔知道大家有無睇過舞台劇,其實係香港做舞台劇係一件幾艱難嘅事,不過睇舞台劇唔同睇電影或者電視劇。所有嘢都好靠演員嘅感染力同穿透力,去令每位觀眾感受到每個情節。當然每一場都係嚟真嘅,唔似電影或者電視劇咁可以有蝦碌嘅場面出現。所以每一位台前幕後嘅工作人員都唔可以出錯,所以舞台劇嘅觀賞性係特別高,因為係演戲最原始嘅舞台!

「好睇」

今晚同老婆去咗睇黃子華同陳法拉嘅舞台劇《前度》,當然嚟套舞台劇係超難買飛,真係好辛苦先至搵到兩張同老婆睇。對上個次同老婆睇黃子華係兩年前佢嘅棟篤笑,而今次嘅舞台劇真係好好睇。當大家嘅注意力都放咗係教主身上嘅時候,其實整套劇都係由法拉由頭帶到落尾!佢真係做得好好,而套劇本身真係好有意思。真係有少少想睇多次!

「前度」

真係好耐無咁專心咁去睇一場舞台劇,個故事真係寫得好好,當然再加上黃子華同陳法拉嘅演技令當中有笑有淚。更重要嘅係會令自己反思一啲日常問題。當然感受最深嘅係除咗兩性嘅關係之外,就係做人嘅價值觀。人會隨著環境而改變但係亦因為嚟啲改變,慢慢就會失去自己。現實世界就係咁,得到越多就失去越多。所以做人應該知足常樂,放鬆啲啦香港人!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]