流程化

「流程」

好多人都唔明點解啲大公司會有咁多流程。其實睇下你點睇啲流程,如果太過繁複而影響正常工作效率,咁當然係可免則免,但係亦有啲流程係可以令件事做得更加流暢,同時俾所有人一個清晰嘅指引,提高質素之餘亦可以減少錯誤。就算真係錯咗都可以尋根究底,睇下邊度出咗事。不過最緊要就係可以統一員工做嘢模式,更容易管理同擴充。

「開始」

我好多時都會講,就算係小貓三四隻嘅公司都需要有流程,因為如果連幾個人都唔開始,等到你擴張嘅時候先至搞,到時真係玩自己。因為要將好多陋習改變唔係一件易事,所以流程應該係由細做起。當然好多人話幾個人做嚟把鬼,其實就真係要幾個人嘅時候開始做,而且越早做就越易優化流程。雖然有時我都好憎流程,不過要管理一個團隊係必須嘅!

「知識」

一個好流程係要將所有日常工作質量化,與此同時可以更加了解所需嘅時間去完成每一部分嘅工作。所有嘅流程都應該記錄低每一個程序,因為如果所有嘅知識跟隨員工流失而失去咗,咁所有嘢都要重新嚟過。因此大部份嘅工作,我自己都會參與。當然唔係話要自己落手落腳做,而係就算得返我一個人,我都有辦法去營運。


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]