或然率


個人分享
Tagged With: , , , , , , , , ,

「數學」

其實有時我做人都會不斷係度計數,而老實講我數學真係唔叻,最叻嗰樣叫做或然率。所以我唔會賭錢,因為點計你都會輸。就算還要識可而止,要知道幾時要離場。如果咁啱你贏咗嘅話,講真真係見好就收。當然好多人會俾輸贏嚟兩個字蒙蔽咗,但係人一身就係咁,唔係輸,就係贏。所以好多嘢我都會計下數,如果計唔掂就情願離場!以免損手爛腳!

「人生」

好多人會話遊戲人生,其實我會話係數字人生。雖然好多嘢係計唔到,但係如果真係計唔到嘅話,我會選擇用隨機嘅方法去解決隨機嘅問題。就正如買六合彩,好多人都想中頭獎,但係個機會率係微乎其微。所以唔可以用正常方法去處理佢,因為贏嘅機率太低!人嘅一生就係咁,就算比你計到又點?唔通你就一定有一個美滿嘅人生?所以凡事唔好計得太盡!

「機率」

或然率,又叫機會率,概率,機率,係一樣嘢發生,出現嘅可能程度,可以用數學嘅百分比寫出嚟,係個數字,介乎零同一之間。或然率係零就表示件事幾乎唔會發生,而相反或然率係一嘅時候就表示件事幾乎一定會發生。其實你可以睇下身邊嘅朋友,如果佢哋數學好叻,通常佢哋或然率會好差。而相反好似我咁,或然率好叻但係計數就好差!


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]