做多啲


個人分享
Tagged With: , , , , , , , , ,

「工作」

其實而家嘅年輕人好多都唔會做多啲,有時分別就係在乎態度,唔係下下要人話俾你聽點樣去做,有時要諗多啲,睇係點樣可以令公司好啲。公司有發展自己自然有發展,而機會係自己爭取唔係話坐係度就有。下下淨係問幾時升職加薪,老實講依家真係唔係睇年資,而係究竟你會唔會做多啲。但係依家好多人打工都會埋怨嚟樣嗰樣,但係又唔諗下點可以解決,唔通下下真係轉工咩?

「成功」

好多時我都希望啲年輕人可以做多啲,有時點解人哋會成功除咗努力之外就係比其他人做多嗰少少。當然唔係要你同公司賣命,但係如果當自己無乜嘢做嘅時候其實可以做多少少。老闆希望自己嘅員工夠主動,唔係講先至做,如果見到有問題會主動去諗辦法解決。如果淨係坐係到返工同放工,咁同一隻牛係無分別!所以唔好問點解無機會,因為你無做多啲。

「主動」

我有時都好怕遇到一啲淨係聽指令嘅人,因為如果無人落指令佢就真係可以停晒手腳。講真要成功唔係要人哋話俾你聽點做,而係自己要諗下點可以做好啲。如果無流程,咁咪幫手諗流程!如果有市場,咁咪去幫手諗點樣打!總言之就係諗多少少,做多少少,咁機會就會出現。如果你係有能力嘅,使乜嘢靠關係呢?所以講到尾,主動啲,唔好怕蝕底先啦!

(Visited 33 times, 1 visits today)

Also published on Medium.