選管會

「民主」

香港擁有嘅民主自由真係慢慢被侵蝕,而今年嘅立法會選舉就更加明顯。自從之前嘅區議會選舉之後,好多人都會認為係立法會選舉嘅前哨戰。所以當出現咁多嘅不明朗因素,今次嘅立法會選舉政府當然會有所舉動。當然好多官員都會提及本土或者港獨等等嘅言論,其實每個地方都有唔同聲音,而咁高調批評反對聲音就好明顯想壓制個班人!

「選舉」

香港真係越來越好笑,其實乜嘢叫做合資格提名?無啦啦多咗份聲明話要真誠擁護基本法已經夠晒離譜,咁乜嘢係自由社會?而就算當提名人已經簽署聲明,到最後個話事權到最後竟然都係政府?講到尾就係一個有篩選嘅立法會選舉,仲講乜嘢自由嘅社會?個選舉主任其實用乜嘢理據質疑提名人係唔係真誠擁護基本法嘅呢?

「取消」

當然選舉管理委員會雖然係一個根據選舉管理委員會條例而成立嘅組織,話就話係一個公正同非政治性嘅組織,以及確保任何時候公共選舉係一個公開,公平同誠實嘅情況下進行。好啦咁我嘅問題係選舉主任到底係點樣批核一個候選人嘅名單呢?點解選舉管理委員會可以隨時加入一份聲明要參選人簽署,而且憑乜嘢嘅機制去取消候選人嘅資格?


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]