特朗普

「投票」

一個民主國家當然有一個民主嘅選舉,就好似早前英國脫歐咁,無論支持定反對都好,個結果係一人一票決定。而美國今次嘅大選亦都係一樣,無論你認唔認同都好,兩位候選人都已經成為定局。當然今次大家最關注嘅係究竟兩個候選人點樣利用數據,點樣改變策略,點樣提高支持率,等等。美國選舉就係咁,真係有好多唔同嘅數據可以分析,相比香港真係有一段距離!

「美國」

今年真係乜嘢事都可能發生,真係估都估唔到特朗普竟然可以攞到足夠嘅黨票,而代表共和黨角逐今次嘅美國總統。當然首先我哋係尊重民主制度,但係真係諗唔明點解啲人會選佢出嚟參選?真係好鬼奇怪?唔通共和黨啲人真係咁想佢哋個黨贏,所以就算特朗普唔係一個合適嘅人選,但係因為只有佢先至可以同希拉莉一較高下,而最後變成今日嘅局面!

「總統」

老實講,個人認為如果特朗普真係當選美國總統嘅話,咁真係好難估計佢對全球經濟嘅影響有幾大。當然一個商人,佢嘅思維一定係金錢利益行先,所以如果佢將一個國家當成自己生意咁運作,咁都幾大鑊!當然支持佢嘅就好支持,唔支持佢嘅就好唔支持,真係好兩極化。但係而家竟然話佢嘅支持率仲高過希拉莉,真係想像唔到特朗普做美國總統會係點。

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]