殺到嚟

「遊戲」

過去嗰一個月好多人都係度玩「比卡超」,而任天堂都因為嚟隻遊戲導致股價急升。但係香港嘅朋友因為官方未開放所以無得玩。只不過好多人都諗盡辦法去玩嚟隻遊戲!其實究竟有啲乜嘢吸引力令到所有人都玩嚟隻遊戲?老實講其實係嗰班睇比卡超嘅小朋友而家已經係主要嘅消費群,再加上童年回憶以及第一身嘅玩法,所以先至掀起一個熱潮!

「洗版」

今日一開機做嘢就已經俾「比卡超」洗版!點解?因為香港終於有得玩囉!不過今日所有新聞都係講「比卡超」!無論係朋友又或者媒體都大事報導。我睇怕之後嗰一個月都會係咁!嗰個都係到講去邊度捉嘢,捉到啲乜等等。其實有無得選擇唔睇嚟啲嘢嚟?而最可怕嘅係見到好多人揸住部手機亂咁行,老實講唔可以停低玩嘅咩。真係要邊行邊玩?

「故事」

講真,有無人可以同我講「比卡超」個故事究竟講啲乜?因為真係唔知頭唔知路,就算玩我都淨係識得嗰一兩隻。當然我嘅代入感無嗰班年輕人咁多,但係至少得個知字都好。不過好多人除咗覺得佢係一隻遊戲之外,其實佢都係一個推廣嘅方法。係外國都已經有例子,因為啲人去揀舖頭捉啲寵物精靈已令到生意額上升唔通一隻遊戲可以挽救返零售業?


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]