生日會


個人分享
Tagged With: , , , , , , , , ,

「生日」

其實人越大,自己對生日嚟樣嘢就越嚟越唔重視,所以無乜話點樣慶祝。細個嘅時候當然希望生日會有一個生日會同一班朋友慶祝,可以盡情玩之餘又有好多禮物收。我諗每個小朋友都會係咁諗。而對上個次我自己同一大班人慶祝生日,我諗都已經係十幾年前嘅事。只不過我當然希望每一年都同郭大少搞生日會啦,因為佢大咗之後佢就會有自己嘅慶祝方法!

「活動」

雖然仲有幾日先至係郭大少嘅生日,不過一浪接一浪嘅慶祝活動就已經開始咗。其實真係唔知佢知唔知發生緊啲乜嘢事,因為佢始終仲係細,所以就算搞生日會同佢慶祝都係屋企簡簡單單咁就足夠。如果唔係佢生日但係佢唔開心咁為乜呢?當然佢大啲嘅時候就會有自己嘅朋友,到時幫佢搞生日會又會係另一回事。不過都係嗰句,最重要郭大少開心就得!

「成長」

當然唔同人心目中嘅生日會都唔同,但係有時如果小朋友得嗰一兩歲,老實講佢哋大個咗之後除非睇相之外,我諗佢哋都唔會記得。所以搞生日會究竟係俾小朋友定係大人呢?當然第一個生日想佢開開心心,熱熱鬧鬧,但係我反而希望多啲時間陪佢做佢鍾意嘅嘢。最起碼希望可以將日常生活放低,同佢影多啲相,等佢大個可以睇返。而做父母嘅可以記錄佢成長嘅每一刻!

(Visited 27 times, 1 visits today)

Also published on Medium.