滲透式

「臥底」

唔知係唔係最近大台有播嗰套電視劇,睇到某啲新聞竟然諗起臥底呢樣嘢。因為做臥底不能黑定白,真係要一步一步咁滲入去個機制同組織入面。而嚟種滲透式嘅方法所需要嘅時間好長,唔係一時三刻就可以做到。做戲都有得做啦,三年又三年,三年又三年。只不過如果真係發生係現實社會嘅話,咁你會點?會唔會覺得好安全?其實或者現實真係發生緊!

「警察」

唔知大家有無留意到嚟單新聞關於一個內地學生嚟香港讀碩士,之後留咗係香港接近七年。最奇怪嘅係佢竟然想考見習督察,不過失敗咗。原因係佢仲未係香港居民,但係問題就出現啦。真係唔好話我陰謀論,如果按照咁嘅情況,即係可以有好多內地學生借讀書為名,之後留係香港工作。夠七年就申請成為香港永久居民,仲可以投考警察!咁之後同內地公安有乜分別呢?

「滲透」

先唔好討論個別事件,但係如果香港警察慢慢係由內地移居香港嘅永久居民去擔當維護香港治安嘅角色。我諗真係會比依家嘅警察會有更加多嘅問題。如果一個住滿七年嘅內地人,有一個碩士學位,咁樣就可以投考見習督察嘅話。講真係唔係要檢討嚟個招聘模式呢?分分鐘過多幾年,所有督察大部份會係內地人,咁其實同公安有乜分別?


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]