去書展

「書展」

每年書展都係人山人海,而每年都有啲具爭議性嘅事情發生。不過老實講,依家真係會好小心買書,因為次次搬屋都真係覺得幾重,而且真係無咁多位擺書。如果自己有公司嘅話,或者可以考慮下。所以如非必要,依家都唔會買,因為有時啲書淨係第一次,感覺好鬼浪費。當然可以將啲舊書捐贈出去啦,但係如果啲書唔係成日用,而且有電子版嘅話,我會選擇買電子版多啲。

「睇書」

其實我唔係一個讀書人,因為唔知點解我一讀書就會瞌眼瞓,所以好多書我都要好長嘅時間先至睇完!但係次次見到有啲好書又好想買,真係唔知乜嘢嘅心態。老實講真係唔係太多書我會由頭到尾睇得晒,就算以前返學都係,都係揀嚟睇。不過如果我好有興趣嘅話,我會睇完先甘心,當然無乜書真係可以令我睇晒,近年都係得幾本因為係朋友寫嘅先至有心機!

「買書」

今晚同老婆快去咗書展,睇嘅都係睇小朋友嘅書比較多。做咗人哋父母真係唔同咗。自己想睇嘅嘢反而無睇過,淨係一心去睇關於郭大少嘅嘢。不過小朋友嘅嘢真係好多,如果唔係因為多人,帶唔到郭大少去,我諗一日都未必行得晒。事關真係太多嘢睇。原來自己都好耐無行書店,發現真係有好多新書。雖然只係行咗一兩個鐘,起碼都買咗少少嘢俾郭大少做生日禮物!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]