點俾錢

「手機」

如果大家認為手機俾錢係啲乜嘢新科技其實好多年前已經有,只不過仲未係非常普及。其實點解香港嘅八達通可以取代咗咁多嘅付款模式?好簡單,因為大家再唔使袋住啲散紙,快捷方便,而大部份嘅公共交通以及商戶都支持。所以八達通先至會變成香港人生活不可缺少嘅一部份。當然唔係個個香港人都會用蘋果出嘅電話,但係點解咁多銀行機構同商戶都支持呢?

「蘋果」

今日香港終於可以用蘋果嘅手機付款啦!當然第一時間將自己嘅信用卡加到去手機入面,而我相信自從八達通改變香港人嘅付款模式之後,或者蘋果可以再一次改變香港人俾錢嘅習慣。當然過去唔係無其他嘅手機付款服務,只不過無咁多商戶同銀行去推動大家用手機俾錢。其實係好多地方用手機俾錢已經係平常事,只不過香港落後啫!

「經驗」

雖然今日嘗試係便利店俾錢,但係唔知點解俾唔到。試咗三次都唔得,唔通係我嘅問題?不過而家真係唔帶手機仲大鑊過唔帶銀包!而唔見電話真係好大鑊。當然今次見到好多銀行同商會支持,希望真係可以推動到香港人去用手機俾錢嚟個行為。今日雖然俾唔到錢,不過聽日再試過啦。相信要普及要一段時間,係龍係鳳就要睇下改唔改變到大家俾錢嘅行為啦!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]