做選擇


個人分享
Tagged With: , , , , , , , , ,

「人生」

人生每一日都要做好多選擇,雖然好似有得揀,但係事實係無得揀!點解?因為任何嘅選擇都無啱定錯,只要決定咗就冇得返轉頭,到最後都只係可以面你自己嘅選擇。係唔係好玄呢?係呀,人生就係咁㗎啦,所以無論你嘅選擇係點,自己都係要承擔。其實乜嘢係啱嘅選擇,乜嘢客係錯嘅選擇,講真好視乎每一個人。只要係你自己決定嘅就一定係啱嘅!

「選擇」

有時做人真係好矛盾,因為好多時都想得一想二!當然世事就無咁完美啦,而好多人打工嘅時候就會覺得創業好,而創業之後又覺得打工好。老實講係各有各好,事關性質唔同。最緊要係自己覺得嚟一刻邊條路係適合自己,無話啱定錯,外人亦其實無可能幫你做任何嘅決定。最後不論好與壞都係自己去承擔,無得怨天尤人,路係自己揀嘅!

「自己」

當然我亦做過好多唔同嘅選擇,但係有時諗返轉頭有時都唔知揀得啱定錯,因為如果無當日嘅決定就無今日嘅自己。如果俾你再揀過又點?或者今時今日嘅自己已經唔係自己!人生充滿選擇,只要自己覺得啱咪得囉。當然身邊有好多人會左一句右一句,但係到最後咪又係自己去承擔,又唔係佢哋。所以自己先至知道乜嘢係啱定錯,無人可以幫到你!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]