講回報

「投資」

人生做任何嘢其實都係一種投資,由讀書開始其實就已經係一種投資。因為希望讀到書,畢咗業有張沙紙就可以搵到份好工。當你搵到份工嘅時候就希望做好啲,咁就可以升職加薪。當然同時所需要投資嘅就係時間,有時甚至乎金錢!因為有時投資係要有犧牲,所以如果犧牲某啲嘢而過幾年之後可以有更好嘅機會同回報,其實未必係一件壞事!

「創業」

創業其實係一種投資,而投資嘅係時間同心機,當然唔少得嘅係金錢。但係投資唔一定有回報,就正如電視廣告都有講,任何投資都會有風險,所以投資任何嘢嘅時候都要了解清楚。只不過創業嘅嘢邊樹有可能了解清楚呢?不過如果你試過創業,不論成功定失敗,其實當中亦都會衍生咗好多唔同嘅機會。所以其實有啲回報未必淨係用金錢嚟衡量!

「回報」

對於我呢講,金錢未必係我決定投資嘅最重要元素!我一直都係睇長線,就正如當初點解會去做開荒?點解當初放棄高薪厚職再去創業?講到尾都係投資同回報!雖然今日未必得到你所要嘅嘢,但係你知道之後可以好快將你失去嘅嘢攞晒返嚟,咁其實就已經足夠。當然依家仲未去到回報期,但係我繼續依然相信好快就會到。所以今日嘅得失唔係最重要!

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]