推倒佢


個人分享
Tagged With: , , , , , , , , ,

「投資」

做任何嘢其實都係需要投資好多嘢先至會得到回報,而如果當初根基打得唔好,其實格硬咁向前行,分分鐘到最後所投資嘅,甚至乎賺咗嘅都會輸晒。所以要推倒投資多年嘅事同物,其實真係好難決擇。你有無試過面對自己同推翻自己?好多嘢其實都好想從頭嚟過,只不過現實歸現實,好多嘢錯過咗,做錯咗,其實係無得返轉頭嘅。

「推倒」

好多人都好怕將自己一手一腳建立嘅嘢推倒佢再重新嚟過。因為一般都需要用好多時間,心機,金錢,體力,等等去建立。所以要拋開嚟個心理包袱其實係一件好難嘅事,因為怕失去,因為怕唔習慣,因為怕好多嘢。如果你敢推倒所有嘢,重新嚟過,其實真係需要好大嘅勇氣。但係有時喺需要推倒某啲嘢先至會有另一好個開始。所以有時真係要勇敢啲!

「開始」

公司終於踏入第六年,而今年係一個無計劃同目標嘅情況下,係時候推翻過去咁多年所做嘅嘢。雖然一直都唔死得,但係真係有好多嘢想還原基本步,由零開始。當然唔係話所推倒咗之後乜都無,最起碼過去六年有好多嘢已經賺咗。只不過要從頭將好似或者以為建立好嘅嘢化整為零。老實講唔知仲有無咁嘅魄力,但係反正都唔會死,咁咪試埋最後一次囉!


Also published on Medium.