打機啫


個人分享
Tagged With: , , , , , , , , ,

「打機」

以前經常性聽到話有啲人打機會將成副身家咁拎去買一啲好虛擬嘅嘢。老實講其實點解啲人可以用幾千蚊甚至乎幾萬蚊咁玩一隻遊戲呢?我真係諗都諗唔明。就算我去買一隻遊戲最多都係幾百蚊,仲可以玩好耐。都係果句,玩遊戲啫,唔駛咁誇張呀?不如留返啲錢食咗落肚,或者做其他嘢好過啦。如果有日隻遊戲關門大吉,到時真係化為烏有!

「安全」

其實打機唔係問題,但係打機打到傾家蕩產,連自己條命都唔要咁就真係過份咗啲。當然除咗近排好多人講嗰隻遊戲之外,好多網上遊戲同手機遊戲都係一樣。打機有時係可以放鬆自己,但係當啲人太沉迷而出事嘅時候,啲人就會賴啲遊戲開發商!講真關啲遊戲開發商咩嘢事?無人叫玩嗰啲人唔顧自己嘅人生安全去玩,所以千祈唔好沉迷係啲虛擬世界入面。

「課金」

身邊其實有幾位朋友都係從事手機遊戲嘅工作,每次聽到佢哋講啲人有幾咁瘋狂咁課金真係諗唔明。依家係手機課金真係好簡單,幾蚊幾蚊咁,真係玩玩下唔覺唔覺就一百幾十。而點解咁多人會課金?好簡單,真係要快人一步。當然好多遊戲唔一定要課金先至玩得,只不過所需要嘅時間會比起唔課金慢。其實有少少似以前打機,只要有銀彈就可以有無限生命去打爆機!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]