水電工


個人分享
Tagged With: , , , , , , , , ,

「師傅」

其實係香港搵個水電師傅係唔係咁難,有時打電話去問嘢同約時間真係好鬼受氣。老實講我都係人哋介紹先至打電話搵你啫,好似我欠咗佢咁,啲態度真係好到無朋友!其實都無所謂,因為我唔識所以先至搵師傅啫,如果我識就自己搞掂啦。好多嘢其實自己都搞得掂,所以好多嘢都已經可以慳番唔少,不過有啲嘢真係唔好搵命博,尤其同電有關嘅嘢!

「交帶」

依家點解搵個師傅上嚟屋企都咁難?話說早前屋企盞燈爆咗要成盞燈換,同埋個冷氣個電制好似壞壞哋,之後廚房個抽油煙機又唔著,所以想搵個師傅上嚟屋企睇睇乜嘢事同換咗盞燈。但係打電話比第一個,成日話無時間,帶電話俾第二個又無尾飛陀,之後再搵多個約好咗又係唔見人。真係人都癲,依家只係想搵個師傅都咁難,咩野世界呀?

「扯火」

真係火都嚟,因為屋企盞燈爆咗好耐,而且因為玻璃罩,所以好危險。但係等得個師傅嚟都蚊瞓,所以終於有日自己頂唔順,決定自己換鬼咗佢!頭尾搞咗一個鐘頭就搞掂。如果我識搞埋其他嘢我真係寧願自己搞,因為真係激都激死你。最慘嘅係你約咗佢以為佢會嚟,點知等極都唔嚟,之後打電話比佢又話要遲啲。大佬呀,我唔係二十四小時係屋企等你上嚟㗎囉!

(Visited 97 times, 1 visits today)

Also published on Medium.