放榜日

「價值」

其實讀完中學係唔係一定要讀大學?當然依家好多人都有大學學位,所以如果無嘅話好似輸蝕咗啲,不過唔讀大學就代表唔成功?或者嚟個係亞洲人嘅心態同社會價值觀!只不過讀得書多就代表做嘢特別好?或者某啲專業係需要,但係依家嚟個世代,好多時請人都係睇人嘅態度同工作經驗。就算係大學幾叻都好,做嘢唔得就係唔得。

「放榜」

放榜日,應該係我嚟一世人最唔開心嘅其中一日!我仲好記得個日係我唯一一次因為讀書嘅成績而喊!當時人在香港,同好多中學同學返嚟放暑假。而當年係透過打電話返澳洲同上網睇成績,只不過當聽到個分數嘅時候我真係以為自己聽錯。我從來未試過咁認真讀書,我從來未試過咁重視分數!就係咁當時真係完全崩潰,不知所措。

「選擇」

當然我唔係叫大家唔好讀書只不過人生唔係得一條路。當年我入唔到心儀嘅大學同科目,讀咗一年覺得浪費時間,最終都係決定打工。亦都因為咁先至成就今日嘅我。雖然我唔知如果當年自己繼續讀大學會點,我淨係知道唔應該浪費時間。而過咗十幾年之後,自己都係覺得要有張沙紙傍身,所以再次返學讀書。學無止境,時機都可以讀書,就算考得唔好都唔緊要,因為真係唔係得一條路!同學們加油!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.