藍精靈

「卡通」

嚟幾日個個都淨係係度比卡超,作為一個八十後就當然要講下藍精靈啦!真係唔知依家有幾多小朋友會認識嚟套卡通片。藍精靈係由一百幾十個深藍色膚色,三個蘋果高嘅人形小生物所組成嘅精靈群體。佢哋住係藍精靈村嘅蘑菇屋入面。有啲鍾意整蛋糕,有啲鍾意吹小號,有啲鍾意照鏡,有啲鍾意做木匠,而五百四十二歲嘅精靈爸爸,係藍精靈嘅領導者。

「童年」

藍精靈相信係好多人嘅童年回憶,我同我老婆都好鐘意藍精靈。而藍精靈應該係我同老婆睇嘅第一部戲,真係唔經唔覺好快就已經五年。今年海港城將會有個藍精靈嘅活動,而今晚我哋帶咗郭大少去玩。初時以為佢見到會喊,但係佢竟然好興奮,見到啲公仔係咁話要過去。有時睇落郭大少都好似嗰啲藍精靈咁,因為佢真係無時停!

「歌詞」

百厭活潑快反應,總知沒法靜一靜,陣陣笑聲,實在動聽,一群寶貝心肝定,藍精靈十分勁,反斗激氣真要命,沒法叫暫停,是活潑藍精靈,勁中勁,呢班馬騮唔定性!要佢做野無反應,一講食野好知食,動靜夠多,辦事實禍,幾時得佢生生性,藍精靈十分勁,貪玩貪笑真要命,視你若無形,是沒法停一停,定一定,呢班小鬼唔定性!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]