比卡超

「手機」

依家嚟個世代,玩遊戲已經唔似得以前我哋細個嘅時候。我由細到大都係玩電腦游戲比較多,直至七年前返香港我先至買咗人生第一部電視遊戲機。不過近幾年真係無時間玩,依家個仔出埋世就更加無時間,真係擺咗係度鋪塵。就算依家玩嘅遊戲,最好就係唔需要對住嗰啲,今日兩粒制自己搞掂就最好,因為真係無時間。就算有都不如同個仔玩啦!

「遊戲」

近排個個都係到講比卡超嗰隻手機遊戲,雖然香港仲未有正式版,但係個個都諗盡辦法去裝個隻遊戲,去玩隻遊戲。一時又話玩到,一時又話俾人封咗。不過嚟種遊戲唔係咩嘢新嘅概念,其實好多年前都已經有。只不過依家係因為比卡超嘅緣故,個個又一窩蜂咁去玩。其實我真係無睇過比卡超,同埋無咁嘅時間去玩,所以其實對嚟隻遊戲興趣不大!哈哈!

「小心」

依家真係隨時隨地都可以喺手機到下載隻遊戲,不過玩比卡超嘅時候就要注意安全。因為佢係根據現實環境去玩,真係唔好掛住捉寵物乜都唔理。有時真係見到啲人打機打到傻咗,乜嘢都唔理,真係有時見到佢哋都危險。所以玩還玩,唔好因為一啲虛擬嘅嘢搞到自己損手爛腳。雖然我知道好難,不過都係希望大家注意下啫!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.