去健身

「服務」

講真我真係好少會購買一啲先俾錢後消費嘅服務,雖然有時真係可以平啲,但係有啲服務真係唔知用唔用得著。所以嗰啲乜乜會籍真係除非我會半年內用完之外,其實我都好少會購買套票或者會籍。係就係會貴啲,但係最起碼唔需要承擔佢執笠嘅風險。我最多會買嘅會籍就係洗車嘅會籍,貪佢有泊車同百幾蚊就洗車吸塵。不過亦都因為服務差,所以淨係買咗一次咁大把!

「健身」

呢幾日啲新聞都係環繞個間健身中心,一時又話被人清盤,一時又話買盤,一時又話執笠,其實究竟想點呢?最令人費解嘅係點解可以有人買健身會籍買到九十萬?真係用嚟買份保險都無咁嬲!買健身會籍嘅錢真係可以拎嚟做首期,唔通啲健身教練真係攞住支槍挾住啲人買會籍?聽到都覺得神奇,點解真係會有人俾咁多錢去買健身會籍。香港人真有錢!

「運動」

其實健身係一個好健康嘅活動,而香港人工作繁忙,可以做運動嘅地方又唔多。所以好多上班族都會選擇去健身中心做運動!但係點解做運動要請私人教練?當然有啲儀器唔識用搵人教好正常,但係無教練就唔可以做運動咩。當然我無去過健身中心做運動,所以真係唔知點解啲人會請私人教練,而且真係有錢無掟洗?揼咁多錢去健身,倒不如實際的買層樓?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]