一加一

「選擇」

不論創業也好打工又好,其實每日都會遇到好多選擇題。創業當然希望有生意,但係有時真係要考慮團隊嘅承受能力。有時真係唔係唔想做,而係如果格硬接咗單生意返嚟之後做死自己嘅團隊,或者會得不償失。當然好多時都會掙扎接定唔接,接就玩死自己,唔接就無錢開飯,所以有時真係兩難。有時真係唔係話多勞就多得,而係要平衡整體嘅經濟效益!

「不等」

其實要營運一盤生意真係唔係一件容易嘅事,因為唔係一加一就等於二。好多時你會諗請多一對手就會多一個人做嘢,咁即係可以做多一倍嘅嘢。但係有時未必係咁,因為有時請多個人返嚟反而拖累咗整體嘅工作效率,所以人多好辦事真係唔一定啱!而接生意亦都係一樣,有時真係贏粒糖輸間廠,真係試過一個原本三個月做完嘅項目竟然做咗兩年,咁你話係唔係蝕晒大本?

「得失」

以前係大公司當然就係無得揀做定唔做,因為都唔輪到你控制,而且做又三十六唔做又三十六,就算你幾唔想做都好都無辦法!但係當自己做生意嘅時候亦都會有同樣嘅掙扎,因為邊個唔想接啲大生意先得架,但係有時無咁大個頭真係無辦法帶咁大頂帽。所以有時真係要量力而為,唔好為做而做。因為一加一真係唔一定等於二,多勞唔一定就多得。


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]