課室外


個人分享
Tagged With: , , , , , , , , ,

「教書」

過去幾年一直都係大學幫手教書,雖然只係每一個學年教一個同數據分析有關嘅科目,但係唔經唔覺嗰班學生都已經投入社會工作。當然好高興好多都有一個好嘅發展。其實教書就係咁,希望啲學生有一個好嘅出路,而近期都係唔同嘅場合見返自己嘅學生。雖然只係同佢哋相處咗十三個星期,加埋考試都係得四十幾個鐘,但係慶幸佢哋都會記得我!

「學生」

踏入七月真係好忙,因為每個星期都要教書。今個月教書真係變成自己嘅正職,而今日啱啱先幫谷歌嘅一個培育計劃做完數據分析嘅培訓。但係無估到咁都會撞到自己係大學嘅學生。我當然希望無悶親佢哋,因為佢哋已經對咗我成個學期,啱啱先畢業點知又走唔甩,又撞返我。希望佢哋唔好嫌我悶,嫌我講嚟講去都係嗰三篤屁啦!不過真係好開心佢哋都開始人生嘅新一頁!

「開心」

唔知係唔係因為之前係大學上堂嘅原因,今日見返嗰三個學生好似突然大個咗咁!其實好多時我都會係課室以外嘅地方見到佢哋,因為其實我哋嘅行業好細,一定有機會碰到面。又時見到佢哋個感覺真係好似睇住自己嘅小朋友長大,同時又開始覺得自己好老。如果你係我啲學生,見到我嘅時候不妨過嚟同我打咗招呼啦!因為見到你哋真係幾開心㗎!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]