講營運

「創業」

做生意最緊要嘅係現金流,而好多人創業都先要投資後講回報。當然好多到最後都未到回報期就已經關門大吉,有時就算有幾多資金都好,一日未正式賺到錢其實盤生意都係蝕緊錢。所以其實我好怕嚟啲咁嘅模式,因為真係同賭錢無分別。就算要擴大公司,其實我都好小心,要保證唔會入不敷支。又或者係咁所以唔上唔落,但係最起碼我由始至終都係賺緊錢!

「營運」

我嘅營運模式其實好簡單,就係收入嘅一半係人工,收入嘅四分一係投資,而另外四份一係儲備。如果生意唔好最起碼可以食下穀種,再繼續去營運!如果真係頂唔順,當然連投資嗰部份都用嚟俾人工啦。而每當要請人嘅時候就真係要睇下究竟係一個短期需要定係長期需要,如果唔係請咗個人返嚟開支就會大咗,但係當無足夠嘅收入去支撐嘅時候就真係攞嚟搞!

「投資」

當然之前好多人都有問我點解唔搵人投資,甚至乎有人想融資我都拒絕咗。其實個原因好簡單,因為我都唔知個市場會變成點,有多啲資金當然可以請多啲人,但係真係有咁既需要?其實有時多咗人未必賺得多啲,反而有可能仲要蝕錢。我當然都希望可以做大啲,所以要不斷變,不斷試,如果唔係就會原地踏步,雖然其實踏咗好耐!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]