去聚會

「聚會」

其實啱啱返嚟香港嘅時候真係一個人都唔識,話晒真係離開咗香港好多年。所以唯一可以認識到一啲同自己做嘢有關嘅朋友就真係要出去唔同嘅聚會。講真香港其實日日都有唔同大大小小嘅聚會,如果你要識人嘅話真係唔怕無渠道。只不過真係唔係個個人都鍾意去聚會,而其實我以前都好怕,因為人哋真係識你老鼠咩,無啦啦走過嚟傾偈!

「聯誼」

真係好耐無出去聚會,對上嗰一次真係唔記得咗幾時,而且真係閉關咗好耐,覺得自己有少少脫節。所以真係多謝一位朋友琴晚攪咗個聚會,等大家可以聯誼下。不過唔知係唔係好耐無出去,竟然忘記咗搵人影相集郵,淨係掛住同各位傾偈。最開心嘅係見到好多好朋友,而且好高興認識到一啲新嘅朋友。所以有時真係要出返去嚟啲聚會多啲。

「選擇」

有時去聚會最怕嘅係有啲人主動走埋嚟同你打招呼,但係你唔記得係邊樹見過佢同認識佢。最慘嘅係佢哋對自己嘅近況好了解,或者真係因為社交媒體嘅關係,但係就會有點兒尷尬。當然我認人都唔算差,只不過有時真係太過耐無出嚟嚟啲聚會,好多人都已經唔識。有時真係唔可以閉關閉得太耐,但係講到尾都係屋企緊要,所以只係會揀一啲有必要去嘅聚會先至會去。


Also published on Medium.