定啲嚟

「定啲」

我相信好多人都會講過「定啲嚟」嚟三隻字!當身邊有一啲突如其來嘅事情發生,好多時都會打亂自己嘅陣腳。原本計劃好嘅方案只好當粉筆字咁抹咗佢,雖然係會好忟憎好煩,但係又可以點,唔通怨天尤人咩?所以都係專心面對當前要解決嘅問題,唔好自亂陣腳,唔好心煩氣躁,因為船到橋頭自然。當然講就容易做就難,不過定啲嚟,凡事都總有解決嘅辦法!

「問題」

嚟幾日自己同自己講得最多嘅都應該係「定啲嚟」嚟三個字!唔好慌張,唔好忟憎,唔好發脾氣,唔好諗太多,等等。期實嚟兩個月已經夠煩,諗住去完旅行可以放鬆下,返嚟同佢死過!點知真係一波未平一波又起,突然之間將所有計劃完成打亂晒!所以話計劃啲乜其實都無用,因為年年都係咁,但係無計劃到搞成咁都真係幾無奈!都係繼續同自己講「定啲嚟」啦!

「樂觀」

有可能你會話我太過樂觀,而事實上唔樂觀啲又可以點?反正都唔會幫到件事,咁點解唔樂觀啲去諗?心情一定有唔好架啦,但係事情都仲係要去處理,所以要盡快調整自己嘅心情唔好繼續俾負面情緒牽引著。依家最緊要嘅係諗一諗邊樣嘢要處理咗先,將啲問題逐一逐一處理。而且以前都係咁架啦,又唔係未試過,只不過又要由頭做起,有啲洩氣啫!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]