再嚟過

「創業」

做任何生意其實都有一個週期,正所謂創業難,守業更難。依家創業雖然真係比起十幾二十年前相對容易,但係十個創業真係九個可以捱過兩年。都唔好話要賺錢,唔死已經係算好叻!而今時今日有好多傳統行業都面對市場嘅改變,慢慢邁向夕陽。好彩嘅就可以轉型成功,穩守多年嘅基業,唔好彩嘅就慢慢被淘汰。所以幾時都要有幾手準備,因為你唔知幾時會被淘汰!

「信念」

夕陽無幸好,只是近黃昏,明天會更好!公司已經步向第七個年頭,今年完全係回到起跑線,所有嘢其實真係好似重新開始咁。當然過去個幾年累積嘅嘢都唔少,但係同我預計嘅真係仲差一大段距離。當然好多係因為個人嘅原因,而自己不斷問自己過去咁多年嘅等待同犧牲,其實係唔係值得。希望自己唔會咁快氣餒,因為我仲係相信自己七年前嘅決定!

「堅持」

當然好多嘢都唔可以係自己嘅控制之內,而有時因為一啲飛來橫禍打亂原本嘅計劃。心態其實真係主宰成功與否,就算因為一啲事情導致一無所有,只要堅守信念其實真係可以東山再起!嚟一樣嘢亦都係香港嘅獅子山精神!無咗唔緊要,未再嚟過囉!我真係好佩服嗰啲人,自問真係無信心可以做到,就算嚟刻要再重頭開始,其實心態上都已經改變咗。唯一嘅動力其實真係因為老婆同個仔!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]