脫歐了


個人分享
Tagged With: , , , , , , , , ,

「歐盟」

歐洲聯盟,簡稱歐盟,係根據一九九三年生效嘅《馬斯特里赫特條約》所建立嘅政治經濟聯盟!依家有二十八個個成員國。規範歐盟嘅條約經過多次嘅修訂,目前歐盟嘅運作方式係依照《里斯本條約》。政治上所有成員國均為民主國家,經濟上為世界上第一大經濟實體。而英國首相卡梅倫係二零一五年承諾一旦勝出大選,就會推動一次脫歐公投,由英國人決定去留問題。

「公投」

英國係一個民主嘅社會,佢哋用公投嘅方式去決定究竟英國是否應該脫離歐盟。雖然最終投票嘅結果係離開歐盟,但係當大家睇返年紀同選票嘅分佈,發現原來後生嗰一輩係支持留係歐盟,而老一輩嘅就支持離開。當然依家仲未知道英國離開歐盟嘅長遠影響,但係英鎊就已經首當其衝跌至三十年嘅低位。如果打算去英國玩嘅真係要入返啲英鎊,因為真係唔知幾時個匯率先至會咁低。

「脫歐」

支持脫歐嘅意見普遍認為,歐盟向英國施加大量商業規則,又要求英國每年支付數以十億英鎊嘅會員費,但回報就相當有限,質疑歐盟實際上正阻礙英國發展。支持留歐嘅一方認為作為歐盟成員,可以令貨品出口到其他成員國變得更加方便,而且認為移民去英國大部份都係年輕同積極工作嘅人,有助英國經濟發展。如果一旦脫歐,英國嘅全球性地位將會受到衝擊。

(Visited 30 times, 1 visits today)