消防員

「消防」

係咁多個紀律部隊入面,我相信大部份嘅人都會認同消防員係一個危險度極高嘅工作。大家都好敬重嗰班用自己嘅生命進入火場救人救火嘅消防員!每次當大家知道有消防員因為救火而殉職,相信心入面都會有啲難過。相信無人會希望有火警發生,而因為每次嘅火場環境都唔一樣,所以好多時有好多預計唔到嘅突發情況會發生。當然大家最唔想見到嘅就係有人傷亡。

「大火」

今次迷你倉嘅四級火警奪去咗一位英勇消防員嘅性命。場大火足足消咗超過一日,到出文嘅時候場火仲未救熄。而坊間有好多唔同嘅討論關於嚟場火,但係嚟一刻其實最緊要嘅係快啲救熄場火同搵出起火原因!其實繼續咁樣燒落去,真係有啲擔心幢大廈嘅結構,希望唔好再有消防員因為今次嘅大火而受傷。真係好感激一班英勇消防員!

「問題」

我諗無人會諗到今次嘅大火會燒咗咁耐,而到嚟一刻為止真係有好多問題仲未有答案!不過一如以往,大家都會係度探討唔同嘅問題。例如防火措施,政府嘅監管,公司嘅監管,等等。最氣憤嘅係竟然有人冒認係殉職消防員嘅朋友去呃人捐款!呢個世界真係無奇不有!而又有啲人就趁人哋出問題,竟然走出嚟講風涼話,慌死人哋唔死咁,踩多兩腳!真係好討厭嚟啲咁嘅雞仔行為!

(Visited 237 times, 1 visits today)

Also published on Medium.