給爸爸

「爸爸」

每個爸爸都會希望將最好嘅嘢留番俾屋企,大部份嘅時間都會選擇去工作賺錢,孭起頭家!所以好多時得返假期可以有時間去陪仔女去玩。當然好多時都會因為生活環境嘅關係影響,只不過亦都因為咁,對於仔女嚟講,爸爸又時真係這麼近那麼遠!所以我希望係環境許可嘅情況下多啲陪伴郭大少,希望係佢心目中我唔單止係爸爸,而且係一個朋友!

「影相」

早前有個朋友間公司幫一個相機品牌拍攝咗一個父親節嘅廣告,睇完其實真係有啲感觸,而第一樣嘢就當然係令我諗返細個同爸爸嘅開心日子!雖然我唔知會唔會因為爸爸嘅關係所以鍾意影相,但係或多或少睇返細個嘅相就會諗返起好多有趣嘅事。雖然有好多嘅記憶比較模糊,但係我相信每個爸爸都希望用照片去記錄自己嘅仔女成長嘅每一刻。依家科技發達真係可以日影夜影!

「記錄」

我唔係一個對於嚟啲節日有特別感覺嘅人,因為其實如果唔係身邊嘅人講嘅話,我其實真係唔會記得幾時係母親節或者父親節。不過今年係第一年同郭大少過嘅父親節,當然我無乜嘢期望,只要佢開開心心同健健康康咁成長就已經足夠!而鍾意影相嘅我就當然希望幫佢影多啲相去記錄佢嘅成長片段,所以好多時都未必見到我係鏡頭入面,因為我都係鏡頭嘅後面!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]