數碼化


個人分享
Tagged With: , , , , , , , , ,

「數碼」

好多人一聽到數碼嚟兩個字就以為同傳統資訊科技有關。其實某程度上唔可以話錯,但係市場推廣同營銷其實真係無話分數碼唔數碼,只不過媒體唔同咗啫。而係香港嚟個市場,其實仲有好多大嘅品牌仍然覺得係傳統媒體落廣告仍然有效,所以咁多年嚟投放係新媒體嘅廣告量同資金都比較少。只不過當傳統媒體嘅效益越嚟越無辦法去計算嘅時候,真係值得投放咁多資源落去咩?

「廣告」

今日相信好多身邊嘅朋友都好開心咁分享一篇關於網上同手機廣告嘅開支將會超越傳統媒體。其實好多年前係美國甚至乎中國都已經超越咗好耐。而家嘅年輕人其實真係好少睇電視,至少我五年前係大學教書嘅時候,啲學生就已經唔係點睇電視。何況傳統廣告好難量度佢嘅實質嘅經濟效益!當然香港過咗咁多年先至有啲起色,但係條路都仲係好遙遠!

「數據」

好多朋友話終於捱到出頭天,講真真係等咗十年有多。現實歸現實,你無可能否定新媒體嘅影響力,因為數字已經代表一切,更何況不論老中青都已經係一個無網絡會死嘅年代。不過講到數據分析仍然係超級落後,我諗都仲要多三五七年香港嘅公司先至會重視數據分析。希望我仲可以捱到個一日,因為真係等到頸都長晒。堅守咁多年都係等緊嚟一刻嘅出現!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]