兩父子


個人分享
Tagged With: , , , , , , , , ,

「相處」

通常同小朋友去旅行都好少淨係得個阿爸或者阿媽獨自帶佢哋去,因為同小朋友去旅行真係有好嘢要兼顧!當然好多人都會好想試吓單獨帶著而嘅感受,但係就要等佢識行識走!小朋友真係大得好快,要係佢哋獨立之前把握機會同佢哋相處多啲!如果唔係大咗佢哋就唔會再咁依賴你,再唔會好似細個嘅時候咁癡著你!

「父子」

之前見到有個朋友獨自帶咗個女去旅行,其實真係有啲羨慕!因為整個旅程都係屬於佢哋兩父女嘅回憶!到佢大咗之後,我相信佢會永遠記得嚟個旅程!當然我都想個仔大的嘅時候,我哋兩父子可以去一個屬於我哋嘅旅程。因為當佢返咗學之後就會比較難!希望嚟個願望可以成真啦!不過最起碼要幾年後嘅事!

「希望」

我最希望郭大少長大咗之後同我嘅關係會好似依家咁癡著我。當然我知道好難,所以好珍惜嚟個階段。雖然佢真係幾曳,但係佢活潑好過唔活潑!希望佢大咗仲記得我同佢之間嘅經歷,記得我同佢生活同成長嘅細節。有時真係覺得同佢影得唔夠多相,如果可以將一部攝錄機裝係佢身上紀錄佢每分每秒,你話幾好呢!