識記者


個人分享
Tagged With: , , , , , , , , ,

「訪問」

做記者當然要搵題材做訪問,而除咗一啲同新聞有關嘅報導之外,其實佢哋係點樣選擇題材嘅呢?好多公司當然希望有報紙雜誌去報導佢哋,而佢哋就當然係希望唔係負面嘅方面啦!免費嘅宣傳同推廣邊個唔想要?但係真係咁易咩?因為首先要有記者識得你咁先得!另外你估我咩,寫咗都沒人睇,所以題材都好緊要!如果唔係真係無人會關注。報導咗同無其實都無分別!

「記者」

其實做任何生意,不論你係啱啱創業,或者你嘅公司已經上咗軌道,其實好多人都好想認識都唔同報紙、雜誌、甚至乎電視台嘅記者。講真到依家為止我都仲未認識到佢哋,亦都唔知係邊啲場合或者渠道先至可以認識到。雖然之前有做過唔同嘅訪問,但係對我嚟講都係一個迷。所以真係想知道點先至可以認識到班記者朋友,之後至少有佢哋想寫嘅題材,佢哋都會搵你!

「題材」

如果你問我,就算認識到一班記者,其實都要睇吓之前佢哋所寫嘅嘢。因為之前都試過啲訪問同實質所報導有所出入!本來係正面嘅嘢都會寫成負面。但係一般佢哋嘅做法就係出咗街先至俾受訪者知,因此有一啲嘢錯咗嘅時候都無辦法去改變。當然有時亦都要睇記者係邊份報紙同雜誌啦!所以大家要注意一下,如果唔係就真係有機會得不償失!希望有一日如果各位記者朋友諗起想寫數據嘅話會,不妨可以搵我傾計交流!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]