去沖繩


個人分享
Tagged With: , , , , , , , , ,

「旅行」

同小朋友去旅行其實都係第一次,因為以前都係自己去公幹或者同老婆去玩。對於好鍾意去旅行嘅我哋,其實都諗咗好耐。當然見到身邊好多朋友都帶啲好細小朋友嚟度去嗰度去,只不過有時係度諗其實係我哋啲大人想去旅行!好多時啲小朋友都唔知發生緊乜嘢事,到最後有可能辛苦佢哋之餘,大人亦都會辛苦。咁去旅行又做乜嘢呢?

「沖繩」

今次係第二次去沖繩旅行,第一次去沖繩係同老婆二人世界,同埋為咗去影結婚相!而今次係自從郭大少出世之後我哋一家人第一次去旅行。因為考慮到郭大少嘅關係,所以可以揀嘅地方亦都有限。相信今次第一次嘅三人行係一個挑戰,事關以前兩公婆去旅行真係可以話點就點,而行程亦無需要顧慮太多。當然我同老婆都想去下旅行,因為真係好耐無去啦!

「考慮」

同一個小朋友去旅行第一個考慮嘅就係邊度啱佢多過我哋自己想去。一嚟怕佢哋搭飛機辛苦,二嚟去嗰啲地方又唔可以太過舟車勞頓,所以到最後都係選擇去日本自駕遊。自駕遊嘅好處係就算小朋友累都可以係車到瞓下覺,而日本相對比較乾淨,所以覺得比較識合。當然沖繩有陽光與海灘可以同小朋友游水。只不過真係天氣不似預期,睇天氣報告話整個行程都係落雨。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]