依賴性


個人分享
Tagged With: , , , , , , , , ,

「北上」

好多香港嘅公司都係過去個幾年北上搵人仔,原因係香港市場點樣做都只會係得個七百萬人口。而好多國際品牌都會利用香港作為一個同中國市場之間嘅跳板同接口。當然過去個十幾年,全球嘅目光都放咗係中國市場,因為佢哋嘅經濟急速發展,而且購買力驚人,所以好多公司嘅業務都已經轉移到中國,甚至乎當中國經濟出現問題嘅時候,好多時就會直接影響佢哋嘅盈利!

「災難」

近排嘅關公災難特別多,當然最受全球關注嘅就係早幾日某個法國護膚品嘅品牌嘅道歉聲明同取消活動嘅風波。好多外國公司都會因為要賺錢所以會去一啲嘅新興市場!中國就當然一定係一個好龐大嘅市場,正所謂一人一人仔都已經有十三億啦,咁嘅市場邊個唔心動?但係就係因為個個怕失去咗嚟個市場,所以好多嘢都會選擇妥協!人類真係窮得只剩錢!

「忘記」

就係因為好多公司只為求賺錢而去妥協某啲制度,而佢哋亦慢慢忘記咗其實中國都只係全世界嘅一部份。除咗中國之外,其實仲有好多市場仲未發展。不過就係因為而家嘅策略太過依賴中國,導致好多時都因為某啲政治敏感嘅事情都要避之則吉!老實講每個經濟體都無可能永遠向上行,仲有一日會到咗樽頸位,甚至乎出現倒退。講到底依家好多公司嘅問題就係太過依賴中國市場,而忘記世界係有幾大!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]