數沙漠

「沙漠」

今晚又同另一位做數據分析做咗好多年嘅朋友傾偈,再一次發現嚟個市場嘅問題。過去咁多年原來大家遇到嘅問題都係一模一樣,究竟啲人幾時先至會明白數據係啲乜嘢回事?香港真係數嚟數去得嗰幾個人,公司做嚟做去都係無突破。香港個市場真係被環境所局限,要真係走出數據沙漠其實真係要由教育開始,做咗七年都係唔夠!

「科學」

講到數據分析,好多人會覺得好有用,但係又唔知點入手,入手之後又唔信。講真數據係好科學化,但係有好多嘢真係無辦法解釋,只可以通過不斷嘅測試同收集數據先至可以印證理論。但係好多香港嘅公司樣樣嘢都要快,咁科學嘅嘢有時就當然想快都快唔到。好似研製藥物咁,唔通一日就可以研製都治療癌症嘅藥咩,更何況咁多年都仲未研發到!

「綠洲」

其實數據分析係需要互相交流,因為路唔係得一條,有時傾吓傾吓又會衍生到一啲新嘅分析嘅方法。慶幸嘅係香港雖然真係好似一個沙漠咁,但係間唔中會見到綠洲。真係希望更多嘅人去投入嚟個行業,等香港嚟個沙漠可以慢慢變成綠洲。雖然依家仲係有啲妙想天開,但係長城都唔係一日建成!所以我有我向前行,但係都要返回起點繼續教育市場!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]