七年後


個人分享
Tagged With: , , , , , , , , ,

「七年」

七年其實唔係一個短嘅日子,而過去七年真係過得好快!快到好似琴日咁!到底過去七年入面自己做咗啲乜?其實真係唔知,淨係知道每一日都係為咗兩餐而奔跑!有時彷彿自己好似停留咗係七年前!或者我係一個任性嘅人,只要決定咗就唔會返轉頭,但係就係因為已經過咗七年,又係時候回顧自己嘅狀況!究竟自己有無真係向前行?究竟係唔係同預期嘅有分別?

「決定」

七年前嘅今日係我離開娘家嘅日子,而決定離開一個工作咗七年嘅地方,其實真係有啲唔捨得,因為咁多年嘅付出好似一下子被抹掉,又要由頭做起!自己係娘家短短嗰七年入面,由一個每日淨係更新公司網站嘅死?仔,到可以有機會管理一個三百人嘅團隊,其實我相信我對比同年紀嘅朋友已經算係超額完成。不過七年後嘅今日就好似原地踏步!

「成就」

其實我最慶幸嘅係自己離開娘家七年,所留低嘅仲仍然存在!一班親手培訓出嚟嘅團隊,各有各嘅成就!雖然已經過咗七年,但係竟然仲有老闆記得我嚟個有前無後,打死罷就,無大無細同唔跟規矩做嘢嘅人。不過七年過去,究竟我又留低咗啲乜?再過多七年,我又會唔會為自己所做嘅嘢自豪?我嚟一刻真係唔敢講。如果你係過去七年認識我嘅話,唔該麻煩你話比我知,過去七年我做咗啲乜值得我自豪!感激感激!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]