香港地


個人分享
Tagged With: , , , , , , , , ,

「身份」

如果你問我香港人嚟三個字代表啲乜嘢,我會話嚟個係我哋嘅身份,因為香港係我屋企,香港係我嘅根!不論黨派,不論理念,香港人就係香港人。我哋係生活係一個文明同發達嘅城市,有一個完整嘅司法制度,有民主,有自由。大部份人都係一個殖民地嘅城市成長!而我哋講求嘅係公平,公義同公正嘅地方!但係而家香港人嚟三個字變得越嚟越陌生!

「討論」

過去幾日社會不斷討論上一代同下一代嘅問題,而當然下一代點樣諗我哋係控制唔到。只不過佢哋要了解香港人嚟三個字嘅真正意思!點解過咗二十幾年我哋仲堅持為六四平反?點解當下一代企出嚟抗爭嘅時候,我哋嚟一輩會義無反顧咁撐佢哋?原因好簡單,就係因為我哋要捍衛嘅除咗民主同自由之外,我哋仲要堅守公義!所以首先要明白歷史對任何人都有嘅意義!

「初衷」

如果依家嘅年輕人覺得「六四」對佢哋嚟講無意義甚至乎覺得好遙遠,咁當佢哋嘅下一代覺得「雨傘」對佢哋嚟講亦都無意義同好遙遠嘅時侯,或者佢哋就會明白點解我哋老一輩仲咁堅持。本土同唔本土其實都係圍繞香港人嚟三個字!大家價值觀唔同?我覺得非也,只不過觀點唔同!而如果香港人再唔團結,繼續一盤散沙!老實講好快香港人嚟三個字就會失去佢嘅意義!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]