真去過


個人分享
Tagged With: , , , , , , , , ,

「中國」

如果你問我,好多時睇返歷史,其實中國真係幾勁!好多時你都咪話唔俾個服字!例如中國四大發明(造紙術,指南針,火藥,雕版印刷術),鄭和下西洋有二百四十幾艘船同二萬七千四百名船員嘅龐大船隊遠航,比起依家啲軍隊仲要勁。但係就係往往固步自封,所以比好多發達國家落後。雖然近年強國掘起,只不過仍然係一個封閉嘅社會!

「王毅」

我有無去過中國?我當然有啦!我真係去過!我甚至乎係中國住咗足足五年!而日前中國外交部部長王毅訓斥加拿大記者,話佢偏見同傲慢,甚至乎問個記者佢有去過中國?講真點解中國會一窮二白?講中國要成為世界第二大經濟體背後有幾多代價?咁又點?中國無貧富懸殊,無貪污,無強權,無獨裁?學人講人權?連人哋問問題嘅權利都無,咁仲係一個強國應有嘅胸襟咩?

「人權」

其實嚟啲行為同暴發戶無分別!如果係咁勁嘅話,中國就唔會有咁多不公平,不公義嘅事件發生!雖然係一個強國,但係就連言論自由都無,仲講咩嘢人權?唔通王毅佢訪問過全中國十三億人?你又點知佢哋點諗?真係幾好笑!就係因為一黨專制,就算有人對依家嘅政府有反對嘅聲音,到最後咪就係將佢哋滅聲。仲學乜嘢人講人權呀?


Also published on Medium.