八九年


個人分享
Tagged With: , , , , , , , , ,

「選擇」

當然每一代嘅人都可以選擇佢哋嘅將來,但係咁唔代表佢哋可以否定歷史。用乜嘢方法去悼念甚至平反歷史我諗每個人都有佢哋嘅選擇。只不過如果時下嘅年輕人覺得二十七年前所發生嘅事對佢哋意義不大,咁其實係唔係代表依家香港嘅社會問題甚至佢哋嘅將來都對佢哋嚟講意義不大?無意義唔代表可以置身事外,如果係咁,民主同自由都對佢哋嚟講意義不大?

「歷史」

一九八九年,我當時就嚟九歲。當年今日電視嘅新聞都係報導緊天安門事件。對於好多年輕人嚟講其實都對嚟段歷史好模糊,因為好多人都真係好細個甚至乎都未出世。但係咁就代表嚟件事無發生過?歷史就係要記載發生過嘅事情,等我哋嘅下一代可以了解人類嘅過去。唔通我哋可以話世界大戰無發生過?或者真係針唔拮到肉唔知痛?

「國家」

點解過咗二十七年大家都放唔低嚟段歷史?因為一個民族唔肯面對同承認一段血腥嘅歷史!當年為我哋嘅下一代犧牲自己嘅性命嚟捍衛民主同自由嘅人,竟然可以係一個國家嘅歷史入面隻字不提,咁你會覺得嚟個係一個咩嘢嘅國家呢?如果一個國家只會指責其他國家嘅殘酷行為而唔敢承認自己嘅殘酷行為,咁真係一個應該被尊重嘅國家嗎?


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]