八十後

「童年」

唔知你有冇玩過,食過或者見過嚟啲嘢?譬如話,跳飛機,鬥獸棋,竹蜻蜓,沙炮,彈波子,跳橡筋繩,食孖條,肚臍餅,糖不甩,彩蛋大菜糕,麥芽糖夾餅,我愛小忌廉,長腿叔叔,冒險少女娜汀亞,魔動王,魔神英雄傳,魂斗羅,瑪莉奧兄弟,等等!如果你知道以上大部份嘅嘢,你應該係七八十年代出世嘅朋友!而嚟啲都係我哋嘅童年回憶!

「八十」

我哋嚟班八十後同依家嘅小朋友好唔同,大家仲記得我哋細個嘅時候係無手機,無電腦,有時好簡單嘅嘢都可以玩一餐。科技當然改變咗好多嘢,但係亦改變咗新世代嘅童年。只不過有時候好似以前簡簡單單嘅日子反而過得更加充實。因為我哋珍惜每一樣嘢,而嚟啲嘢唔係用錢用科技可以換返嚟嘅嘢!富裕咗唔代表開心咗,有時反而好似關係疏遠咗!

「環境」

當然現今社會將我哋標籤為八十後,但係八十後都有好多種!老實講八十後其實係依家最無奈嘅一群!點解?因為好多八十後啱啱讀完書就正直香港回歸,而當我哋畢業嘅時候就遇著科技爆破同非典型肺炎爆發。當以為可以安穩打工,過咗四五年又嚟個金融海嘯!如果打工嘅話依家大部份都係管理層,但係只不過要再上就要諗諗計,因為上面嗰啲應該仲有排先至退落嚟!

(Visited 19 times, 1 visits today)

Also published on Medium.