左抄右


個人分享
Tagged With: , , , , , , , , ,

「抄襲」

呢個世界有好多人同公司都會以抄襲其他品牌嘅產品或者概念去搵錢,而當中有好多都會牽涉到版權嘅問題。當然點解仲有人會買嚟啲翻版嘢?無他嘅,因為價錢好多時都比較平,所以無論啲品質有幾咁差,抄襲得有幾唔似,好多人都會因為平而去買嗰啲翻版貨。咁只會助長啲人更加猖狂去繼續抄襲,繼續損害原創人嘅利益。

「原創」

老實講點解有啲人可以咁無賴?去抄襲人哋嘅構思,理念同產品之後,仲可以好大聲咁同全世界講係原創。唔好意思,其實佢哋連二次創作都不如。當然以前讀藝術嘅時候,好多藝術家都會因為比另一個藝術家以影響。所以有時佢哋嘅作品都會有人哋嘅影子。但係最起碼人哋唔係抄襲,而係被影響。不過如果講到自己嘅產品係原創嘅話,真係有啲離譜!

「威脅」

當然每個人都會俾人抄襲過,只不過凡事都有一個底線。你可以俾人影響,但係慢慢就會衍生自己嘅風格。如果只係左抄抄右抄抄,其實無任何創新同進步可言。雖然有人會話有時翻版甚至抄襲嘅產品好過原裝正貨,而有時候事實確實如此。所以被抄襲者要不斷向前,不斷創新,咁先至可以唔會受到嗰啲抄襲者嘅威脅!因此最好嘅辦法對付嚟啲抄襲者,就係不斷令自己進步!

(Visited 45 times, 1 visits today)

Also published on Medium.