賭大細


個人分享
Tagged With: , , , , , , , , ,

「賭博」

通常越叻計數嘅人佢哋最弱嘅一項會係計算機率,嚟個係一個非官方嘅一個調查。而乜嘢行業係靠機率為生?未就係賭博囉!所以如果你係好叻數據同機率嘅話,基本上你知道越賭得耐嘅你就會越輸得多,事關莊家一定會贏!就好似買大細咁,圍骰基本上係通殺咁滯。而我好多時做決定都會用機率去計算下一步。

「創業」

其實創業好多時同賭大細一樣,博定唔博只係一線之差!博你會有一半一半嘅機會,所以好難去一鋪定輸贏!而好多時其實你自己係莊家,輸極都有個限度。過去幾年有可能我計算得太多,諗得太多,唔係太敢博。真係因為咁,有可能太過保守所以無乜進展。不過雖然話今年比較大膽,比較博,但係依家仲係輸緊錢!

「輸贏」

我經常講,賭錢唔一定會贏,如果你贏嘅話係你好彩。所以見好就收,唔好因為贏少少就以為自己好旺!有可能到頭來掉返轉輸哂兼輸凸!如果你真係賭錢,你只可以計算點樣先至可以輸得最少而唔係贏得最多!創業真係可以一鋪清袋,所以我每次都好小心行每一步。希望有日我晤會輸得太多兼且可以贏少少!