去機鋪


個人分享
Tagged With: , , , , , , , , ,

「打機」

我相信好多時下嘅小朋友都應該無去過我哋所謂嘅電子遊戲機中心,因為依家大部份嘅小朋友打機都應該係屋企打,甚至乎拎住部手機就已經可以行到邊打到邊。但係以前我哋要打機真係只可以去機舖先至有得玩,邊樹有依家啲小朋友咁幸福。當然打機嚟個文化唔係淨係香港先有,不過因為依家打機實在太方便,所以啲機舖真係執下一間,執下一間,遲早真係會絕跡。

「機舖」

唔知大家對上嗰次去機舖係幾耐之前嘅事嚟?當然細個嘅時候都好想去機舖打機。而大部份嘅家長都會認為機舖係一個龍蛇混雜嘅地方,但係其實唔係所有嘅機舖都係咁。我諗依家啲小朋友真係唔知乜嘢叫做跟機,乜嘢叫做讓回合,等等嘅機舖文化。而每個年代都有唔同嘅遊戲,你又會最記得邊一款遊戲呢?無論係邊款遊戲,其實機舖都係好多人嘅童年回憶!

「文化」

其實點解咁多人會去機舖打機?原因係你會遇到好多武林高手,而且身邊係會有好多人圍觀。當然另一個原因係有啲遊戲根本唔會係屋企或者手機上面體驗到!尤其係賽車同射擊遊戲,因為係屋企玩始終感覺唔同,你無可能可以擺部咁大嘅遊戲機係屋企。所以依家其實仲有啲遊戲只會去機舖到玩!真係希望嚟個文化唔會變成歷史,絕跡係嚟個社會!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.