麥麥送

「老麥」

其實返咗嚟香港咁耐,真係好少會叫麥麥送,因為有時等得嚟都真係蚊瞓!所以除非真係迫於無奈都唔會選擇去佢外賣!當然如果屋企真係無嘢食,而夜麻麻又唔想出街,係凌晨嘅時份真係無乜嘢可以揀。所以麥當勞都真係可以話係選擇之一。不過好多年前,其實已經覺得佢哋嘅服務嘛嘛哋,送餐時間基本上一定遲到,啲嘢又唔係特別熱,如果真係無選擇嘅真係搵鬼幫襯你!

「離譜」

嗱,首先我唔係為鬧而鬧,大家睇完先知自行定斷。話說我琴晚肚餓又想食老麥,但係嗰陣時已經係凌晨一點,而且有無車,所以諗住打電話叫「麥麥送」。好啦佢話要我等四十五分鐘都唔緊要,只不過佢送到嚟嘅時候係個半鐘之後嘅事!當然已經餓到爆,點知打開啲嘢食嘅時候,所有嘢都凍晒,個魚柳包濕晒,杯雪糕新地融晒。大佬你叫我點食呀?

「造假」

除咗送餐同啲食物嘅問題之外,我真係有理由相信佢哋為咗逃避總公司嘅視線,所以係系統入面做數。點解?因為佢個落單系統會顯示你張單嘅狀態,而我係網上面見到張單係一個鐘頭左右話已經送到。吓唔同佢送錯咗,點解我無收到嘅?所以我覺得好奇怪,即刻打上去熱線投訴,之後佢哋嘅分店經理竟然同我講話有可能啲員工搞錯咗!你真係當我傻㗎,咁都可以搞錯?


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]