縱壞咗


個人分享
Tagged With: , , , , , , , , ,

「縱壞」

好多香港人其實某程度上被縱壞咗,當然好大原因係因為香港嘅生活環境所導致。最明顯嘅就當然係好多家庭都會聘請外地傭工去幫手處理好多屋企嘅家頭細務。但係如果你係外國生活,除非你係好有錢,一般人嘅屋企都唔會有傭工。講真為咗生活係無可厚非需要人幫手,但係好多時香港人真係太過被服務慣,每當遇著服務差啲嘅地方亦都會破口大罵!

「病態」

我知我又會比人鬧,不過我淨係想講我嘅諗法。當然我知道我哋好多時都無得揀,不過都想探討下!依家好多嘅香港人都會因為唔同嘅問題而請工人,亦正如我所講,好多時係因為我哋香港嚟個環境。但係如果當大家因為屋企嘅工人放假,而又覺得當自己可以搞掂屋企嘅大小事務嘅時候係應該值得被其他人讚揚嘅話,我覺得嚟種係病態!

「習慣」

有時我都好佩服身邊有啲朋友,點解佢哋可以自己湊大兩三個小朋友。唔通真係因為佢哋係外國生活所以會輕鬆啲?我同老婆湊住一個郭大少都已經想死!其實大家試諗下如果小朋友由細到大都有一個工人幫佢做嚟樣個樣,樣樣嘢都被服侍,咁佢哋大咗嘅時候會點?當然你可以話依家嘅生活環境唔同咗,又或者會話個工人點會影響到小朋友。到最後其實係因為大家習慣咗俾人服侍,所以咪覺得無問題囉,因為大家被縱壞咗!只要大家唔好覺得有工人係理所當然,唔好因為有工人已被縱壞,其實有工人幫手其實都唔係一件壞事!因為可以有多啲時間做其他嘢!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]