港市場

「香港」

由七年前回流返香港,由零開始,由無人認識數據分析到依家好多人講數據。同其他發達國家比較,依家都仲係好落後!先唔好討論香港有幾多人才,因為你問我嘅話真係可以數得出有幾多個可以一個人搞掂成件事。最大嘅問題係啲公司!一來唔肯投資,二來唔肯改變,三來公司架構問題,最後始終原地踏步!

「市場」

前個排同啲朋友討論香港嘅市場,大家都會話香港頂多都係得七百幾萬人,咁嘅市場真係好難做!老實講我都認同,而唯一嘅方法就係向海外發展!有時係香港做嘢真係好無奈,個個都係好短視,唔係太過接受新嘅事物。如果今日你間公司仲未有一個全面嘅數據策略,基本上你好快就會被淘汰,因為你嘅對家係唔會等你!

「數據」

以前係大公司做嘢,視野真係廣闊好多。如果我仲係孤身隻影嘅話,我相信我已經離開咗香港。點解?事關真係睇唔到之後嘅發展!依家只係希望盡一點綿力,試圖逆難而上。遲開始唔係問題,最起碼開始嘗試改變,只不過每次去見客,佢哋啲問題都係一模一樣就係數據嘅原整性同可分析性,因為好多數據其實係無用!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]