大龍鳳

「保安」

依家嘅香港真係無個樣搞個樣,無一樣嘢真係為香港人著想。一個會議嘅保安措施竟然會影響市民嘅日常生活,咁嘅情況真係第一次見。雖然話香港係中國嘅一部份,但係一個自由嘅社會慢慢變得無自由。一個官員訪港莫講話表達社會問題,就連正常新聞採訪都無辦法採訪到,其實政府搞咁大場大龍鳳係為咗啲乜?

「低能」

老實講,唔知真係以為國家主席習近平嚟咗香港!其實只係一個論壇,而出訪嘅只係全國人大委員長張德江,但係出動到大型水馬,又封路,又改路,更加派人上山紮營,真係十分之擾民。係其他國家如果有同樣嘅情況,我相信唔會咁勞師動眾!人哋唔知真係以為香港有恐怖襲擊!香港政府真係越嚟越低能!

「多餘」

好簡單只不過係一個經濟論壇,點解好似搞到啲國家級會議咁。就算係啲國家首腦會議都未必會咁!更何況今次只不過係一個中國嘅官員,都未去到國家領導人嘅層面。真係笑死人!如果下次習近平訪港,係唔係要我哋足不出門呢?根本今次所謂嘅保安措施係多餘,只不過想杜絕問題而斬腳趾避沙蟲!就算係都唔好搵著我哋嚟啲小市民嚟搞好唔好?


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.